Radio Oceánica

Vémonos á volta

IsaacG — Sat, 14 Aug 2010 13:26:28 +0000

Como xa vos fomos comentando nos programas anteriores, en agosto estamos de parón, mais en setembro hemos voltar coa cuarta tempada na que seguirmos a falarvos dos artistas de aquí e de acolá.

Se nos botades en falta neste primeiro mes de parón desde o noso comezo alá polo 2007, abrímosvos o nos arquivo de programas, que o desfrutedes!

Sonar Galicia por Anxo López

IsaacG — Sat, 10 Jul 2010 16:02:00 +0000

Sónar Galicia 2010 from Anxo López on Vimeo.

27/06/10 Especial Sonar Galicia II

IsaacG — Mon, 28 Jun 2010 01:35:10 +0000

Segunda parte do programa especial sobre o Sonar Galicia. Nesta edición podemos escoitar case 60 minutos de audios recollidos o Sábado no Sonar Galicia.

20/06/10 Especial Sonar Galicia I

IsaacG — Mon, 21 Jun 2010 01:28:26 +0000

Retomamos o podcast

IsaacG — Sun, 20 Jun 2010 23:28:27 +0000

Non prometemos nada, mais, retomamos o podcast (no mellor momento) para ofrecervos a nosa crónica “sen comentarios” do Sonar Galicia. Agardamos que vos preste.

Este domingo falamos da Toupa.net

IsaacG — Sun, 13 Jun 2010 10:31:32 +0000

Toupa.net desde xa é o noso animal favorito, ten toda a oferta musical (e cultural) do país a golpe de click. Ademáis un dos seus responsables foi un navegante de Radio Oceánica, Txiki Calvo. Asique este domingo teremos unha colaboración especial de Txiki con música e información de Toupa.net.

Especial sonar + entradas

IsaacG — Fri, 28 May 2010 10:15:17 +0000

Este domingo teremos un programa especial adicado ao Sonar Galicia. Ademáis de repasar o que nos poderemos atopar aló sortearemos en directo entradas para o festival. Preparade os recpetores e os teléfonos se queredes ir de balde ao Sonar Galicia!

Importante: Todos os premiados poden recoller a súa entrada presentando o DNI na billeteira para concursos e convidados en ExpoCoruña os dias:

Xoves 17 de xuño: de 18:00 a 23:00h
Venres 18 de xuño: de 18:00 a 2h
Sábado 19 de xuño: de 18:00 a 2h

Este domingo Radio Océano!

IsaacG — Thu, 15 Apr 2010 22:32:55 +0000

Este domingo entrevistaremos ao lider dunha das bandas que deixou unha pegada máis fonda e por veces non tan coñecida como debera. Falaremos con Johny Rotring, hoxe en día máis coñecido coma Xosé Manuel Pereiro, que ten moitísimas cousas que contar sobre un grupo pioneiro e histórico. A presenza de Radio Océano no programa ven precedida do anuncio dun concerto homenaxe que seguramente será lembrado en tempo, acontecerá na Sala Nasa o vindeiro xoves. Termos tamén a Antón de Ulträqäns e os Tres Trebóns que nos falará de como xurdiu a idea e que cousas nos agardan nesa cita imprescindible.

Este domingo Especial Sonar

IsaacG — Fri, 02 Apr 2010 21:25:22 +0000

Xa vos fomos contando puntualmente as novidades do Sonar Galicia, este domingo temos preparada unha escolma dos grupos que xa están confirmados no adianto de cartaz. Unha hora de música avanzada, electrónica, hiphop… con especial presenza galega da que vos daremos boa conta.

Este domingo Montouto Sound Machine (e non so)

IsaacG — Fri, 26 Mar 2010 00:03:58 +0000

Recoméndovos que non vos perdades o programa deste vindeiro domingo, estará un home orquestra de Sabucedo, que descubrimos hai pouco gracias a Zimmer103 que nolo suxeriu no mail. Entrevistaremos ao creador deste místico proxecto afincado en Cuenca e que ten moito que dicir no musical e no conceptual. Ademáis teremos sorpresas vibrantes, estade atentos!

MySpace

Noise Project este domingo

IsaacG — Thu, 18 Mar 2010 16:06:14 +0000

Levabamos agardando moito tempo polo disco dos Noise Project, finalmente chegou “Asuntos que se resolven co tempo” e desde logo non defraudaron. Este domingo en Radio Oceánica teremos aos de Valga diante dos micrófonos.

MySpace

Este domingo Niño y Pistola

IsaacG — Fri, 12 Mar 2010 09:35:06 +0000

Unha das bandas pop por excelencia da escea galega achegarase a Radio Oceánica este domingo. Virán con guitarras e con todo o bo humor de Manolito e compañía para presentar o xa exitoso “Arthur and the writers”.

Este domingo Colectivo Oruga

IsaacG — Tue, 02 Mar 2010 16:39:59 +0000

Xa presentaron os Singles que avanzaban o disco no programa; e agora, coincidindo coa que ía ser a saida do disco, que finalmente se adía; teremos no programa a Colectivo Oruga adiantándonos en exclusiva temas do novo disco. Será un programa monográfico con temas do novo disco e coa música que influe e gusta aos Colectivo Oruga.
MySpace colectivo Oruga

Blog Colectivo Oruga

Rapeiros de chantada e sonar

IsaacG — Mon, 01 Mar 2010 14:34:25 +0000

Esta semana pasada houbo a presentación do cartaz do Sonar Galicia que analizaremos nos vindeiros programas, no entanto podedes votarlle unha ollada.

Queremos tamén presentarvos a uns rapeiros chantadinos

Este domingo Portrait

IsaacG — Tue, 23 Feb 2010 22:49:27 +0000

Dende Vigo veñen Portrait, unha banda da que vos vimos falando e que este domingo estará no programa presentando Today is the day. Pop de feitura exquisita para un debut do que xa nos teñen falado outros convidados.

MySpace de Portrait

Este domingo Carrero Bianco

IsaacG — Sat, 20 Feb 2010 17:09:37 +0000

No vindeiro programa, falaremos coa banda ferrolá que so nuns cantos meses de existencia, subiron a moitos palcos acompañados de grandes grupos e están no cartaz do Festival do norte; para alén de ser unha proposta rompedora no concepto, na música e na actitude.

MySpace

Este domingo Nouvelle Cuisine

IsaacG — Thu, 04 Feb 2010 11:56:01 +0000

Unha das bandas que mellor pop fai de todo o estado estará polos estudios da Radio Galega Música para presentar o seu novo disco “La guerra del volumen”, que ofrecen con licenza libre. Non vos perdades a Nouvelle Cuisine en Radio Oceánica.

Radio Oceánica nunha trasnada en RGM

IsaacG — Thu, 14 Jan 2010 16:09:14 +0000

Os compañeiros Tito Lesende de Música Dispersa e Emilio Españadero de Lume na Palleira, estiveron a facer trasnadas o pasado sábado 9 de xaneiro. Uniron os dous programas e estiveron regueifando musicalmente o un e o outro, no entanto, ointes e compañeiros iamos falando con eles e pedindo os nosos desexos para a música galega no 2010. Recoméndovos que escoitedes o programa especial e descubrades que lle pedimos á música galega para 2010 e con música nos agasallaron os compañeiros de Música Dispersa e Lume na palleira.

Beizóns compañeiros!

O que máis nos gustou da década, este domingo

IsaacG — Tue, 29 Dec 2009 13:44:09 +0000

Non vos perdades o programa especial deste domingo. O programa comezará unha hora antes, ás 21:00, e durante dúas horas. Repasaremos o que máis nos gustou da música en galego da década. Agardamos os vosos comentarios!

The homens presenta Cuarta Potencia este domingo

IsaacG — Sat, 12 Dec 2009 12:18:45 +0000

Este domingo estarán Xocas, Roi, Martin Wu e Cristovo presentando a súa Cuarta Potencia en Radio Oceánica. The homens, un dos grupos imprescindibles do panorama, presentarán o seu cuarto disco no programa como antesala da presentación oficial na Sala nasa o vindeiro mércores:

The Homens+Novedades Carminha

XOV 17 DEC, 21.00 h. 10€

Sala Nasa, Santiago DC

VEN 18 DEC, 22.30. 10 €

Le Club Directo, A Coruña

Novo videoclip de Emilio José

IsaacG — Wed, 11 Nov 2009 10:08:47 +0000

Este domingo Vale Tudo

IsaacG — Mon, 02 Nov 2009 10:06:25 +0000

A súa música sáese do común, e experimentando chegan a un resultado místerioso e singular. Este domingo estaremos con Vale Tudo.

MySpace

Manos de Topo este domingo

IsaacG — Wed, 28 Oct 2009 18:22:59 +0000

Este domingo falaremos cun grupo con grande personalidade, que remexeu nos sentimentos do público como poucos. Estarán a semana que ven no país, e o domingo falamos con eles.

MySpace | Web

Sonar Galicia

IsaacG — Mon, 26 Oct 2009 10:54:31 +0000

Un dos festivais máis importantes e respectados da música contemporánea sairá por primeira vez da cidadade de Barcelona cara o fin do mundo, Galicia. Será coma cada ano no mes de xullo, pero será por primeira vez na cidade da Coruña.

É unha grandísima nova para a música galega que xa vola contamos o domingo. Deixámosvos a promo que xa puidéstedes ouvir no programa:

FINISTERRE Sónar 2010 (teaser) from Sónar on Vimeo.

Este domingo Colectivo Oruga

IsaacG — Wed, 21 Oct 2009 10:54:29 +0000

Musicalmente renovados e con moito forza aparecen denovo os Colectivo Oruga presentando un EP adianto do seu no novo disco. Este domingo falaremos con eles para que nos conten todos os detalles do seu regreso.

Myspace | Blog

Ti pos a música

IsaacG — Sat, 03 Oct 2009 09:30:33 +0000

Lembra que se queres que soe algunha canción so tes que pedírnola polo medio que ti queiras

Este domingo: entrevista a Dorian

IsaacG — Sat, 26 Sep 2009 11:49:04 +0000

Estade atentos, porque no programa do domingo estaremos cun dos grupos máis destacados do indie estatal. Están a presentar o seu terceiro disco e a xira galega, non vos perdades a entrevista.

Radio Oceánica na Suécia

IsaacG — Mon, 14 Sep 2009 16:58:20 +0000

Uxío é un dos nosos navegantes semanais que colabora con nos nunha sección composta so por música baixo licenzas libres. No primeiro dos programas da tempada puidemos escoitar a Azoora, un grupo do Reino Unido que está nun netlabel sueco, netlabel que se enterou da presenza do grupo no programa e así o anuncian na web.

Agradecementos a Uxío que deste Radio Oceánica e desde o seu impredible podcast, Commons Baby, está na vangarda da promoción de artistas en creative commons.

Este domingo: Once mais 15

IsaacG — Sat, 12 Sep 2009 16:54:54 +0000

A segunda edición da cuarta tempada do programa será un especial a un proxecto tan interesante como exitoso: a conxunción de quince artistas e once poetas nun libro disco. Para falar do proxecto, teremos a Miguel Alonoso da asociación musicarte, principal responsable do proxecto. Non volo perdades!

Radio Oceánica no Planeta Furancho

IsaacG — Sat, 12 Sep 2009 16:49:19 +0000

Esta semana comezou Planeta Furancho, presentado por Vituco Neira; é un programa diario de luns a venres ás 11 da noite en Radio Galega Música. Este venres tivemos a oportunidade de estar no Planeta Furancho convidados por Vituco, e non podemos máis que pornos ledos pola existencia do programa e polo entusiasmo co que Vituco leva o programa, ademáis estamos seguros que haberá colaboracións entre os programas.

Queremos aprobeitar para recordar a un programa que non continúa na cadea, Disco 2000, presentado por Santi Diaz, abandona a emisora despois dun traballo impresionante arredor da música indy. Agardamos por esa segunda época do programa.