Non vos imos dicir quen ven ata que escampe, por que é unha banda deseñada que quere ser a mala da película… Máis pistas?

Pois si, este domingo en Radio Oceánica unha das bandas que máis sorprendeu na escea.

Xa vos comentabamos no primeiro programa que inesperadamente vos ofreceriamos entrevistas con grupos relevantes da escea. O primeiro, por relevante e cercano ao programa foi Carlos Valcarcel, coñecido musicalmente por Projecto Mourente e que estivo no programa o domingo pasado, falando de Kara o Ke vamos e Kara o Ke vai o Projecto Mourente. Podedes escoitar aquí os programas e axiña nesta páxina.

Nesta nova tempada abrimos unha sección na que ti ou calquera dos ointes teña a posibilidade de por música en Radio Oceánica, para animar aos primeiros en nos recomendar os seus gustos ofrecemos un CD de Fanny+Alexander e unha camisola, agora damos por pechado o concurso pero atención porque seguimos agardando polas vosas músicas en radioceanica@crtvg.es

Noraboa aos gañadores e gracias a todos os que parciparon e por suposto á xente de Fanny+Alexander.

No primeiro programa da nova tempada estreamos web e cambios no programa, entre eles unha nova sección na que todos vos podedes participar enviandonos a canción que queirades que sone en Radio Oceánica cun pequeniño comentario a:

radioceanica@crtvg.es

Para animarvos a que nos enviedes eses temas que tanto vos gustan ou ese grupo que descubristedes e que necesitades contarllo a todo o mundo, regalamos discos de Fanny+Alexander aos que vos animedes. Se queredes saber máis detalles escoitade a primeira edición da terceira tempada.

Abrimos este espazo na rede para completar a información que vos ofrecemos semana a semana ás dez da noite do domingo na Radio Galega Música. Con él queremos retormar o contacto máis estreito que tivemos coa rede na primeira tempada, e facémolo lanzando un valde de auga a todos os que se queiran mollar na escea galega de música independente.

Móllaste?